Студентот заедно со менторот го пополнуваат и потпишуваат документите ПРИЛОГ 1, ПРИЛОГ 2 и ПРИЛОГ 3 и ги прикачуваат на системот.

Менторот ги проверува и валидира документите.

Одделението за студентски прашања проверува дали студентот ги исполнува условите за пријавување на магистерски труд (минимум 30 ЕКТС-кредити за едногодишни или 90 ЕКТС-кредити за двегодишни студии од втор циклус) и доколку се исполнети минималните услови овластеното лице од Одделението го прикачува на системот документот со потпис и печат.

Наставно-научната комисија дава мислење за пријавата на магистерскиот труд, а координаторот по истекот на рокот за доставување на забелешките ја валидира пријавата.

Секретарот ја поставува пријавата како точка на Дневен ред на Наставно научниот совет на факултетот. (Рокот за одбрана е една година од одобрување на темата на магистерскиот труд)

Студентот подготвува работна верзија од магистерски труд, а менторот ја прикачува истата на системот.

Менторот предлага претседател и член на комисија за оценка на магистерски труд, го пополнува и потпишува документот ПРИЛОГ 4 и го прикачува на системот.

Наставно-научната комисија дава мислење за работната верзија и за предлог комисијата за оценка на магистерскиот труд, а координаторот по истекот на рокот за доставување на забелешките валидира.

Секретарот го поставува предлогот како точка на Дневен ред на Наставно научниот совет на факултетот. (Рокот за одбрана е една година од одобрување на темата на магистерскиот труд)

Комисијата проверува и остава свои забелешки, студентот постапува според забелешките од членовите на комисијата, а менторот прикачува нова верзија од магистерската со внесени корекции. (Менторот го прикачува магистерскиот труд на системот за плагијати, plagijati@finki.ukim.mk, а комисијата во рок од три месеци од денот на предавањето на работната верзија изготвува извештај)

Менторот го прикачува Извештајот, потпишан од комисијата на системот. (Извештојот треба да биде прикачен најмалку 15 дена пред да биде поставен како точка на дневен ред на Наставно-научен совет).

Секретарот го поставува извештајот на магистерската како точка на Дневен ред на Наставно научниот совет на факултетот. (Рокот за одбрана е една година од одобрување на темата на магистерскиот труд)

Менторот внесува датум и просторија на одбрана

Како иден магистрант на ФИНКИ, веќе сте дел од ФИНКИ Алумни мрежата која има за цел да создаде силна и динамична заедница која ги поврзува сите генерации студенти. Потребно е да ја пополните следната форма со која го формализирате ова членство.

Магистерскиот труд е одбранет и Одделението за студентски прашања го внесува арх.бр од записникот за одбрана.

ФИНКИ Алумни мрежата придонесува за личен и професионален напредок на своите членови, како и за зајакнување на ФИНКИ и бизнис заедницата во целост, преку професионално вмрежување. вмрежување. Доколку не ја пополнивте формата за формализирање на вашето членство, истата може да ја најдете на следниот линк и да ја пополните за да се комплетира процесот на вашето магистрирање.